ابد كارص عشرتك - سعد محمد الحسن

(( ابد كارص عشرتك ))

ابد كارص عشرتك
ما انشه بيوم
وانته بغير كارص ينش دخان
دخانك
نكت زيجه الكلب
منك بري للدوم
شك كاغد عشرتك حرك عنوانك
ياحنضل عطش مرك طفح ليفوك
وبعد متغطي مرك حلوة لسانك
لمن ما عطش هرشي اتجتفت صيهود
وانه الجنت المهفه بكيض بستانك
انه الحطيت اصبعي بعين وكتك دوم
ومثلي ما وكف بالضيج خوانك
ترش بصبغ حجيك على هدومي البيض
وانه الما ودي جلمه تلثك ردانك
لما هام الوكت شكفته بالدلال
ولمن طكني الوكت عزيت ذرعانك
تعز السيسبان بمرز روحي يصير
وانه الخيمت لبلابي عله سندانك
اعرفنك عدل كد مستحات البيك
واعرفك مايميل بدغش ميزانك
انه بمر كاض وكتي وجنت ازامط بيك
اعرفك بالشدايد تاكل عنانك
اصيييييل وبالمطاول ما تلمه هدوم
ومن روس الشماته شخوص ميدانك
حسبالي جبل ماترمش من الريح
بكل حيله الوكت ماغيرك مكانك
حسبتك ماي زمزم هوه طعمك ذاك
وفن هاي السنين تغير الوانك
لو انه شراع صبرك مزكاه اللوم
على شاطئ الحقد ما يوجي سفانك
اعرفنك عنودي لمن يعله الروج
شجاه وعلى النكيصه اندار سكانه
انه اسكي بعطش مرزك عنبر متا****
ولنه بشلب مرزك شايخ دنانك
مروبك بالكلب ومدثرك بهالعين
وطكت بالخشم كبارة شنانك